Waxaa xusid muadan Imtixaanka oo ahaa sanadkii 8-aad oo xariir ah ayaa lagu kala galay magaalada Muqdisho iyo Gobolada dalka, iyada oo Wasaaraddu ku guuleystay in sanad dugsiyeedkaan 2021-2022 ay si nabad ah ugu soo gaba-gaboobeyso.
Agaasimaha Guud ee Wasaaradda Waxbarashada Mudane Maxamed Caabi Xasan ayaa sheegay in imtixaanku uu ku soo dhamaaday Jawi degan, islamarkaana ay ardayda Soomaaliyeed muujiyeen dadaalkooda ku aaddaan waxbarashada, waxa uuna ardayda u rajeeyay natiijo wanaagsan.
Wasiirka Wasaaradda Waxbarashada Hiddaha iyo Tacliinta sare Cabdullaahi Abukar oo soo xiray Imtixaanka ayaa yiri “ waxaa aan ku guuleysanay in sanadkaan uu Ixtiraanku si nabad ah inoogu soo gabagaboobo, waxaana uu ahaa mid ka duwanaa kuwii hore, waalidiinta dhalay ardada, waasadaha maamulada, ciidamada booliska iyo barayaashii ka qeyb qaatayne waa u mahadcelineynaa”.
Sido kale Wuxuu intaas kusii daray Wasiirka in buuqii ay sameeyeen Arday galeysay Imtixaanka shahaadiga ahaa ee Dugsiyada sare uu xaliyey Booliska dowladda, uuna uga mahadceliyay tallaabadaas iyo sida ay u sugeen amniga goobaha Imtixaanaadka lagu galayey.
Ardayda u fadhiistay sanadkaan Imtixaanka ayaa Wasaaradda Waxbarashada Hiddaha iyo Tacliinta sare sheegtay in ay gaarayeen 35,000 (Sodon iyo shan kun) oo Arday in ay gaarayeen, waxaana Wasaaraddu ay u rajeysay guul iyo natiija fiican oo ay ku baasaan.
Wasaaradda Waxbarashada XFS, ayaa ugu danbeeyntii waxa ay sheegtay in ka Go,an in ardayda Soomaaliyeed ay helaan Waxbarasho dhameystiran.
Xafiiska Wararka Halqaran.com
Halqarannews@gmail.com
