Beledweyne (Halqaran.com) – Qarax Khasaaro dhimasho ah geystay ayaa waxaa uu maanta ka dhacay Xaafada Howl-wadaag ee Magaalada Beledweyne, iyada oo jugtiisa siweyn looga maqlay Xaafadaha Magaaladaas.
Qaraxa oo ahaa miinada nooca dhulka lagu Aaso ayaa waxaa uu sigaar ah uga dhacay laamiga Bacadada ee Xaafada howl-wadaag.
Waxaana ku dhintay Qaraxan hal Askari oo ka tirsanaa maleeshiyaadka macawuusleyda ah.
Guddoomiyaha degmada Beledweyne oo gaaray halka uu qaraxa ka dhacay ayaa sheegay inay meydka Askari ka tirsanaa macawiisleeyda ay goobta ka qaadeen, islamarkaana falkaasi ay ka dambeeyaan Al-Shabaab.
Sidoo kale, wuxuu intaasi raaciyay guddoomiyaha in Ciidamada Dowladda Soomaaliya ay wadaan howlgallo ay ku baadi goobayaan dadkii ka dambeeyay qaraxa ayna rajeynayaan in gacanta lagu soo dhigo.
Ilaa iyo hadda ma jirto cid sheegatay mas’uuliyadda qaraxaas, hayeeshee inta badan qaraxyada noocaas oo kale ah ayaa waxaa sheegta Ururka Al-Shabaab oo dagaal kula jira Ciidamada Dowladda Soomaaliya.
Xafiiska Wararka Halqaran.com
Halqarannews@gmail.com
