Beledweyne (Halqaran.com) – Wararka ka imaanaya magaalada Beledweyne ee xarunta gobolka Hiiraan ayaa sheegaya, in weli xaalad kacsanaan ah laga dareemayo magaalada, iyadoo duhurkii maanta uu halkaasi ka bilowdeen dibadbaxo rabshado wata.
Ciidamada ammaanka ayaa rasaas u adeegsaday banaanbaxayaasha , waxaana la sheegay in ilaa Sddex ruux ay ku dhawacmeen rasaastii ay fureen Ciidamada oo ay ku jirto haweeneey kamid ah dadka Magaalada Beledweyne.
Wadada laamiga ah ee dhex-marta Magaalada Beledweyne ayaa xiran, waxaana dhagxaan waaweyn iyo kuwa yaryar ku jaray dadka banaanbaxayaasha ah, iyadoo mararka qaar la maqlayo rasaas ay ridayaan Ciidamada Ammaanka.
Dadka banaanbaxa dhigaya oo ku sugnaa afaafka hore ee Xarunta Maamulka gobolka Hiiraan ayaa waxaa ay ku dhawaaqayeen Erayo ay kamid yihiin Hirshabeelle Dooni meyno iyo kuwo kale, waxana inta baan xiran goobaha Ganacsiga ee Magaalada.
Banaanbaxa rabshadaha watay ee ka dhacay Magaalada Beledwyene ee xarunat gobolka Hiiraan ayaa waxaa uu daba socday, kadib markii saaka arroortii hore ay Ciidamada ammaanka xireen tiro dad ah oo u ku jiiro Afhayeenka jabhadda Janeraal Xuud.
Xafiiska Wararka Halqaran.com
Halqarannews@gmail.com
