Muqdisho (Halqaran.com) – Waxaa Caasimadda Muqdisho ka socda daddaallada lagu raadinayo xilka ra’iisul wasaaraha cusub, waxaana Madaxweynaha cusub ee la doortay Mudane Xasan Sheekh Maxamuud uu qaabilay saacaddihii la soo dhaafay siyaasiyiin qaarkood si weyn looga yaqaano siyaasadda.
Madaxweynaha Puntland Saciid Deni ayaa wali ku sugan magaalada Muqdisho, waxaana lagu soo warramaya in uu dhankiisa waddo daddaallo ku aadan sidii xilkaasi uu mari lahaa dhanka maamulka Puntland.
Qaar ka mid ah xildhibaanadii doortay Xasan Sheekh Maxamuud ee ololihiisa hormuudka u ahaa dhankooda wadda shaqsiyaad ay u arkaan in ay yihiin kuwo u qalma in ay noqdaan Ra’iisul wasaaraha Soomaaliya.
Madaxweyne Xasan Sheekh ayaa lagu soo warramaya in dhankiisa wali uusan qaadan go’aan ku aadan cida noqonaysa ra’isul wasaaraha, waxaana sanadkaan Jubbaland ay dadaal ugu jirta qof dhankeeda ka socda uu noqdo ra’iisul wasaaraha.
Ugu dambeyn, madaxweynaha cusub ee dhawaan la doortay ayaa xilka la wareegi doona maalinta isniinta ah ee soo socota, ka dibna 30 maalmood guhahood ayuu ku dhawaaqi doona Ra’iisul wasaaraha cusub.
Xafiiska Wararka Halqaran.com
Halqarannews@gmail.com
