Muqdisho (Halqaran.com) – Waxaa faah-faahin dheeraad ah kasoo baxaya Qarax miino oo xalay Deegaanka Siinka Dheer ee Duleedka magaaladda Muqdisho, kaasoo lala eegtay Ciidamo ka tirsan kuwa Booliska Dowladda Soomaaliya gaar ahaan kuwa Haramcad loo yaqaano.
Qaraxa oo ahaa Miino dhulka lagu aasay ayaa la kacday mid kamid ah Gaadiidka Ciidamadda Booliska waxaana ka dhashay khasaare kala duwan.
Ciidamadda la qarxiyay oo ku wajahnaa Dhanka Gobolka shabeelaha Hoose waxaa hoggaaminayay Farxaan Maxamuud Qaroole.
Wararka ay helayso mareegta Halqaran.com, ayaa sheegaya, in dhowr askari ay dhaawacyo kasoo gaareen Qaraxa ka dhacay Deegaanka Siinka Dheer ee duleedka magaalada Muqdisho.
Ururka Al-Shaabab ayaa inta badan sheegta Mas’uuliyadda Qaraxyada lala eegto Ciidamada Dowlada Duleedka Magaalada Muqdisho.
Xafiiska Wararka Halqaran.com
Halqarannews@gmail.com
