Muqdisho (Halqaran.com) – Qofkii ugu horreeyay ayaa cudurka Coronavirus ugu geeriyooday Isbitaalka Martiini ee magaalada Muqdisho, sida ay xaqiijiyeen ilo wareedyo rasmi ah.
Waxaa lagu magacaabi jiray Shariif Maxamed oo 58-jir ahaa , waana aabaha dhalay agaasimaha isbitaalka Banaadir Fartuun Shariif Maxamed.
Allaha u naxariistee Shariif ayaa ahaa qofkii ugu dambeeyay ee Wasaaradda Caafimaadka Soomaaliya ay shaaciso inuu qabo Cudurka Coronavirus, kaasi oo ah qof aan dalka ka bixin, balse Magaalada gudaheeda ka soo qaaday xanuunkaan.
Wasaaradda Caafimaadka Soomaaliya wali si sax ah uma aysan xaqiijin kiiskaan dhimashada ee la xiriira Coronavirus, balse masuuliyiinta Wasaaradda ayaa la filayaa inay ka hadlaan arrintaan.
Magaalada Muqdisho kama jiro taxadar badan oo ku aadan ka hortagga xanuunkaan, waxaana xaaladda Magaalada ay tahay mid caadi ah, marka la fiiriyo isu socodka dadweynaha Magaalada.
Xafiiska Wararka Halqaran.com
Halqarannews@gmai.com
