Awdal (Halqaran.com) – Warar lagu kalsoon yahay oo goor-dhow soo gaaray mareegta Halqaran.com, ayaa sheegaya in Jabhad cusub ay ka dilaacday deegaanka Dilla ee gobolka Awda, kaasoo ka soo horjeeda xukuumadda Somaliland ee uu madaxweyne ka yahay Muuse Biixi Cabdi.
Wararka ayaa sheegaya, in jabhadan ay gabaad ka dhiganayso deegaanadaasi, kuwaasoo wada dad urursi iyo dardargelin dagaallo ka dhan Xukuumadda Somaliland.
Jabhadan oo weli si rasmi ah loo ogeyn magaca iyo hal ku dhiga ay kula dagaallami doonaan xukuumada Somaliland, ayaa haddana waxa la dareemaya dardarta ay ka wadaan deegaankaasi.
Waxaa cabsi weyn laga qabaa in ay gacan saar hoose la leeyihiin Jabhada Korneyl Caare ee ka dagaallanta gobollada Bariga Somaliland.
Xog ay halayo Mareegta Halqaran.com, ayaa tibaaxeysa, in Jabhadan ay daba socoto mid horey uga jirtay gobolka Awdal, waxaana hoggaamin jiray Suldaan Wabar.
→DAAWO MUUQAALLO KALE ,Sii Akhri Wararka Kale ee Maanta:⇓
- XOG XASAASI: Hoggaamiye Axmed Madoobe oo joojiyay wafdi u socday Madaxweyne Farmaajo (Ogow Sababta)
- XOG: Ma Dhabbaa in Daroogo lagu iibiyo Qunsuliyadda Soomaaliya ee Jeddah? & Khilaaf adag oo ka taagan qunsuliyadda!
- DEG DEG + DAAWO MUUQAAL: Gudoomiye ku-xigeenka Badhan oo u hanjabay Puntland, ‘cidna iguma xiri karto Badhan’!
- Madaxweynaha Puntland: ”Madaxda DF Somaliya ma sameysan karaan muddo kororsi xileed, mana laga aqbali doono”!
- ARAG SAWIRRO: Maxaa ka soo baxay kulankii dhexmaray guddoomiye Mursal iyo dhiggiisa dalka Turkiga
Suldan Wabar ayaa lagu soo warramayaa in uu iminka ku sugan yahay deegaan u dhow xuduudda gobolka Awdal ee Harawo, waxayna halkaasi ka wadaan rogaal celin xooggan oo ay dib ugu bilaabayaan dagaalkii ay kaga soo horjeedaa xukuumadda uu hoggaamiyo Madaxweyne Muuse Biixi Cabdi.
Muddooyinkii dambe gobolka Awdal ayaa la daaladhacayay rabshado iyo amni darro baahsan oo ka jirtay gobolka.
Xafiiska Halqaran.com, Hargeysa
Halqarannews@gmail.com
