Beirut (Halqaran.com) – Ra’iisul wasaaraha dalka Lubnaan Xasan Diab ayaa ku dhawaaqay inuu xilka isaga degay, kaddib qaraxii dhawaan ka dhacay magaalada Beirut oo ay ku dhinteen in ka badan 200 qof.
RW Xasan Diab ayaa is-casilaaddiisa ka sheegay telefishinka Qaranka ee dalkaasi.
Shacabka dalkaasi ayaa tilmaamaya inay ahayd in xilli hore si wanaagsan oo taxadar leh looga fekero, keydinta maadada ammonium nitrate ee Talaadadii ku qaraxday dekadda Beirut ee dalkaasi.
Waxay kaloo mas’uuliyiinta dowladda Lubnaan ku eedeeyeen inay wadaan falal musuq-maasuq ah iyo maamul xumo.
Madaxweyne Mishaal Cown ayaa sheegay in 2,750 tan oo ah maadada ammonium nitrate si aan ammaan ahayn loogu keydiyay makhaasiin halkaa ku yaallay muddo lix sano ah.
Xafiiska Wararka Halqaran.com
Halqarannews@gmail.com
