Baydhabo (Halqaran.com) – Waxaa magalada Baydhabo ee Xarunta gobolka Baay Caawa ka socda Kulamo u dhaxeeya Guddoomiyayaasha Baarlamaanada Soomaaliya iyo Jabuuti oo maanta halkaasi gaarey iyo Madaxda Maamulka koonfur Galbeed.
Gudoomiyaha Golaha Shacbaka Soomaaliya, Maxamed Mursal Sheekh Cabdiraxmaan iyo dhigiisa dalka Jabuuti Maxamed Cali Xaamud oo Caawa ku sugan Madaxyooyada Koonfur Galbeed ayaa waxaa ay kulan la leeyihiin Madaxweyne Cabdi-casiis laftagareen iyo guddoomiyaha Golaha Wakiilada Koonfur Galbeed Somaliya Cabduqaadir Shariif Sheekhunaa Maye iyo madax kale.
Kulamada ayaa waxaa ay inta badan uga hadlayaan sidii ay u wada-shaqeyn lahaayeen Baarlamaannada Soomaaliya iyo kan jabuuti, waxaana kulamada qeyb ka ah xubno ka tirsan golaha Wakiilada Koonfur Galbeed.
Waxaa caawa aad loo adkeeyay ammaanka magalada Baydhabo, waxaana Guddoomiyayaasha Baarlamaannada Soomaaliya iyo Jabuuti la filayaa inay ka qeyb-galaan kal-fadhiga 5aad ee Golaha Wakiilada Koonfur Galbeed oo tallaadada berri ka furmaya Magalada Bydhabo.
Xafiiska Wararka Halqaran.com
Halqarannews@gmail.com
