Zambia (Halqaran.com) – Ciidamada Ilaalada Xeebaha dalka Zambia ayaa xabsiga dhigay Dhalilnyaro Soomaali ah, kuwaas oo tahriib ku tagay dalkaas, si ay ugu sii gudbaan dalka koonfur Afrika si ay uga Shaqeystaan.
Waxaa lagu soo warramayaa in dhallinyaradaasi ay isugu jiraan rag iyo dumar ayaa gaaraya ku dhawaad Boqol (100) Dhalinyaro ah, waxaana ay ka tageen dalka Soomaaliya, waxaana haatan dhibaatooyin kala duwan ku heysta Xabsiyada dalkaasi Zambia.
Jaaliyadda Soomaaliyeed ee dalka Zambia Maxamuud Maxamed (Hiiraan) ayaa sheegay in Dhallinyaradaas la xiray ay ballanta uga baxeen Raggii tahriibinayay kadib markii lacago farabadan ka qaateen.
Maxamuud Maxamed Hiiraan ayaa sidoo kale sheegay inay socdaan daddaalo kale oo lagu doonayo in lagu siidaayo dhallinyaradaas si loogu soo celiyo dalkooda Hooyo ee Soomaaliya oo ay markii hore ka tageen, iyaga oo doonayay inay ka shaqeystaan dalka Koonfur Afrika.
Si kastaba,dhalinyarada Soomaaliyeed ee u tahriiba qaar kamid ah dalalka Caalamka ayaa la kulma dhibaatooyin kala duwan haba ugu badnaadaan kuwa lagu qabto Xeebaha dalka Libya, kuwaas oo Kooxaha loo yaqaano magafayaasha ay xiraan si ay lacago farabadan uga qaataan.
Xafiiska Wararka Halqaran.com
Halqarannews@gmail.com
