Laascaanood (Halqaran.com) – Warar naga soo gaaraya magaalada Laascaanood ayaa sheegaya in ciidamo ka tirsan kuwa Milateriga Soomaaliga ay maanta si xoog ah kula wareegeen xarunta Shirkadda Isgaarsiinta Telesom ay ku leedahay magaaladaas.
Magaalada Laascaanood ayaa waxaa muddo toddobaad ah ka soconaya bannaanbaxyo rabshado wata oo ay dhigayaan shacabka.
Wararka ayaa sheegaya in Saraakiisha Ciidamada ay ku amreen in la jaro Isgaarsiinta magaalada Laascaanood iyo deegaannada hoostaga, waxaana Sawiro laga soo qaaday lagu arkayay ciidamada oo ku hareereysan Xarunta Shirkadda, qaarkoodna ay gudaha u galeen.
Dad goobjoogayaal ayaa soo sheegaya, in sababta loo weeraray Xarunta Shirkadda Isgaariinta Telesom ay tahay in Internet-ka magaalada Laascaanood la jaro si aan loo ogaan dhibaatada ay Shacabka u geysanayaan ciidamada Somaliland.
Si kastaba ha’ahaatee, shacabka bannaanbaxa dhigayay ayaa dalbanayay in ciidanka Somaliland ay ka baxaan dhulkooda gobalka Sool, xilli Isimadda gobalka ay ku dhawaaqeen in maamulkaas uga baxo dhulkooda.
Xafiiska Wararka Halqaran.com
Halqarannews@gmail.com
