Muqdisho (Halqaran.com) – Sii-hayaha Ra’iisul Wasaaraha dalka, Mahdi Maxamed Guuleed, ayaa maanta kulan la qaatay qaar kamid ah guddiga gaadiidka xamuulka ee Dekedda magaalada Muqdisho.
Kulankan oo ay goob joog ka ahaayeen sii-hayaha wasiirka gaadiidka, taliyaha booliiska iyo taliyaha nabad gelyada waddooyinka, ayaa looga hadlay tayeynta gaadiidka xamuulka ka qaada dekedda.
Go’aannada lagu gaaray kulanka waxaa ugu muhiimsan in la sameeyo goobo gaadiidka lagu sii hayo inta ay dekadda ka gelayaan si looga baaqsado cariiriga badan ee ay ku hayaan waddooyinka magaalada Muqdisho.
Ugu dambeyn, guddi loo saaray inay ka tala bixiyaan dhammeystirka shaqada ayaa la faray inay mudda laba maalin gudahood soo dhammeystiraan hannaanka lagu wajahayo dhaqan gelinta dhammaan qodobadii la iskula gartay kulanka.
Xafiiska Wararka Halqaran.com
Halqarannews@gmail.com
