Muqdisho (Halqaran.com) – Ra’iisul Wasaaraha XF ah ee Soomaaliya Xamse Cabdi barre ayaa ku amray Wasaaradda Maaliyadda in qeyb kamid ah lacagaha Gunada ah oo ay qaataan Xubnaha Golaha wasiirrada iyo Shaqaalaha joogtada ah in laga jaro si loo isticmaalayo howlaha dib u xorreynta dalka.
War qoraal ah oo ka soo baxay Xafiiska Ra’iisul Wasaaraha oo loo diray Wasaaradda Maaliyadda DF ee Soomaaliya ayaa waxaa lagu amray Wasaaradda in lacagaha Gunada ah oo ay qaataan Xubnaha Golaha wasiirrada laga jaro 20%, sidaas oo kale Shaqaalaha joogtada ahna laga jaro 5%, iyada oo aan la shaacin cidda maamuleysa lacagtaas.
Sidoo kale, warqadda ka soo baxday Xafiiska Ra’iisul Wasaaraha ayaa lagu soo gebagabeeyay in la rajeynayo Wasaaradda Maaliyadda in sida ugu dhaqsiyaha badan ay fuliso Amarkan.
Ugu dambeyn, Wararkale ayaa sheegaya, in qorshahaan uu ka yimid dhinaca Madaxweynaha JF Soomaaliya Mudane Xasan Sheekh Maxamuud, isla markaana ra’iisul Wasaaraha oo fulinaya amarka Madaxweynaha uu amarkaasi siiyay Wasaaradda Maaliyadda.
Xafiiska Wararka Halqaran.com
Halqarannews@gmail.com
