Muqdisho (Halqaran.com) – Munaasabad lagu mamuusaayo xuska Kowda Luulyo ee maalinta xorriyadda iyo Midnimada Soomaaliya ayaa Khamiistii maanta lagu qabtay Xarunta Tiyaatarka Qaranka ee Muqdisho.
Xuskan ayaa waxaa ka soo qeybgalay Madaxwenaha JF Soomaaliya, Mudane Maxamed Cabdullahi Farmaajo, Ra’iisul wasaaraha XF Soomaaliya, Mudane Maxamed Xuseen Rooble ,xubno ka socda labada Gole ee Baarlamaanka, Gobolka Banaadir, Ururada bulshada iyo marti sharaf kale oo aad u badan.
RW Maxamed Xuseen Rooble oo khudbad ka jeediyay munaasabadda ayaa ku baaqay midnimo iyo wadajir.
”Waxaan maanta u Dabbaal degaynaa 1-da Luulyo oo ku beegan Sanad guurada 61-aad ee ka soo wareegtay Xorriyaddii Gobollada Koofureed ee dalkeenna, Midowgii Koofur iyo Woqooyi iyo Dhalashadii Qarankeenna”
Sidoo kale wuxuu intaasi raaciyay; “61 sano ka dib, waxaan baahida ugu weyn u qabnaa midnimo iyo wadajir oo ah jidka kaliya ee aan ku gaari karno horumarka aan hiigsaneyno, kulana tartami karno dalalka iyo dadyowga asaaaggeen ah.”
Xafiiska Wararka Halqaran.com
Halqarannews@gmail.com
