Muqdisho (Halqaran.com) – Ra’iisul Wasaaraha Xukuumadda Federaalka ah ee Soomaliya Maxamed Xuseen Rooble ayaa amar ku bixiyay in si deg-deg ah loo furo waddada dabka oo xalay hay’adaha Amniga Soomaaliya ay dhagxaan waaweyn ku xireen.
RW Rooble ayaa uga mahadceliyay shacabka Muqdisho sida ay ugu dulqaateen xirnaanshaha waddada oo hal-bowle u ah isku socodka dadka iyo Gaadiidka.
“Waxaan faray hay’adaha amniga in ay deg-deg u furaan waddada Dabka oo hal-bowle u ah isu socodka shacabka iyo ganacsiga caasimadda.. Shacabka Muqdisho, waxaan uga mahadcelinayaa dulqaadkooda, waxaanna ka codsanayaa in ay laamaha amniga ku gacansiiyaan sugidda nabadgelyada‘‘, ayuu yiri ra’iisul wasaare Maxamed Xuseen Rooble.
Ugu dambeyn, xirnaanshaha waddada Isgoyska dabka ee dhagxaanta waaweyn lagu jaray ayaa waxaa ay ka dambeysay, kadib markii gaari NOHA ah oo si xowli ah waddadaas uga soo gudbay uu ku qarxay Barta-koontorool ee ku taal Isgoyska Sayidka ee magaalada Muqdisho.
Xafiiska Wararka Halqaran.com
Halqarannews@gmail.com
