Baydhabo (Halqaran.com) – Wararka naga soo gaaraya magaaladda Baydhabo ee maamulka koonfur Galbeed Soomaliya ayaa sheegaya, in ciidamadda ammaanka ee magaaladaas ay xabsiga dhigeen tiro Odayaal dhaqameedyo iyo Ergadii soo xushay Xildhibaanada Baarlamaanka Soomaaliya oo qaatay amarkii Al-Shabaab.
Xubnaha la xiray ayaa ka soo laabtay deeganadda Maleeshiyaadka Ururka Al-Shabaab ay maamulaan, kadib markii ay iska soo diiwaan galiyeen.
Sarkaal ka tirsan booliska Maamulka Koonfur Galbeed oo la hadlay warbaahinta gudaha ayaa sheegay in Odayaasha ay gacanta ku soo dhigeen Ciidamadda Booliska magaaladda Baydhabo, iminkana ay ku xiran yihiin Saldhiga magaalada Baydhabo.
General Mahad Cabdiraxmaan Aadan, Taliyaha Booliska Koonfur Galbeed ayaa Jimcihii la soo dhaafay sheegay in Odayaasha Dhaqanka iyo Ergada u tagtey maleeshiyaadka Al-Shabaab, ay tallaabo ka qaadi doonaan marka ay ku soo laabtaan Baydhabo.
Xafiiska Halqaran.com, Muqdisho
Halqarannews@gmail.com
