Muqdisho (Halqaran.com) – Xildhibaanada golaha shacabka ee BF Soomaaliya oo maalintii Shanaad dood xiriir ah ku lahaa xarunta Villa Hargeysa ee Magaalada Muqdisho ayaa Arbacada maanta ah Guddoomiyaha Baarlamaanka waxaa loo gudbiyay Mooshin.
Mooshinkaan ayaa waxaa gudbiyay Xildhibaano ka tirsan Baarlamaanka Soomaaliya, waxaana uu ku saabsan yahay matalaada Gobolka Banaadir.
Xildhibaan Mahad Salaad oo ka mid Xubnaha Golaha Shacabka ee Mooshinka gudbiyay ayaa Bartiisa xiriirka Bulshada ee Facebook, wuxuuu ku xaqiijiyay Mooshinkaan inay gudbiyeen.
“Mooshin ay ku saxiixan yihiin 130 Xildhibaan oo Golaha Shacabka ah ayaan hadda u gudbinay Gudoonka Golaha Shacabka si tirada Aqalka Sare ku matalaya Gobolka Banaadir u noqoto 13 Senator.”
Dooda Xildhibaanada Golaha shacabka oo ah mid xasaasi ah ayaa ku saabsan Arrinta Maqaamka Gobolka Banaadir oo Xildhibaanada ay muujinayaan inay u hiiliyaan matalaad sax ah oo Gobolka uu yeesho.
Xafiiska Wararka Halqaran.com
Halqarannews@gmail.com
