Muqdisho(Halqaran.com) –Maxkamadda Ciidamada qalabka sida qeybta 27aad ayaa saaka waxaa ay xulun dil toogasho ah ku fulisay Cabdi Xuseen Maxamuud Xasan (Dhafoor) oo horay u dilay Darawal Mooto Bajaaj.
Fagaaraha lagu toogtay marxuumka ayaa waxaa ku sugnaa saraakiil ka tirsan Maxkamada Ciidamada, ehellada marxuumkii horey loo dilay & mas’uuliyiinta maamulka gobolka Gedo.
Dhowaan ayey ahey markii Maxkamadda Ciidamada Qalabka Sida ay Beledxaawo ku toogatay Dable NISA Maxamed Cali Xuseen oo November 2021-kii gudaha degmadaas ku dilay labo wiil oo dhalinyaro ah, kana mid ahaa kooxda ciyaartoyda ee Beledxaawo.
Xeer ilaaliye ku xigeenka Maxkamadda Ciidamada qalabka sida Gaashaanle Cabdulqaadir Maxamed Cabdulqaadir oo toogashada kaddib Warbaahinta la hadlay waxa uu Ciidamada Dowladda Federaalka uga digay dhibaatooyin lamid ah falkaan.
Xafiiska Wararka Halqaran.com
Halqarannews@gmail.com
