Dhuusamareeb (Halqaran.com) –Diyaarad siday Ciidamo ka tirsan kuwa Gorgor ayaa waxaa ay Maanta ka degtay garoonka diyaaradaha Magaalada Dhuusamareeb ee Caasimadda dowlad Goboleedka Galmudug
Ciidamada oo horay u joogay Magalada Dhuusamareeb ayaa dhawaan laga soo qaaday hayeeshee Manta dib loogu celiyay, waxaana ay ka tirsan yihiin Ururka 5-aad ee Gorgor.
Wararka ayaa sheegaya in ciidamadaasi ay ku biiri doonaan kuwa dowladda Soomaaliya ee haatan ku sugan deegaanada maamulka Galmudug.
Arrintan ayaa ku soo aadeyso, iyadoo haatan ay Galmudug ka soo cusboonaatay xiisad horleh, kadib markii ay Ahlu Sunna la wareegtay magaalada Guriceel ee gobolka Galgaduud.
Xafiiska Wararka Halqaran.com
Halqarannews@gmail.com
