Makkah (Halqaran.com) – Masjidka wayn ee barakaysan ee Xaramka ee ku yaalla Makkah Al-mukaramah ee dalka Sucuudi Carabiya ayaa markii ugu horraysay si buuxdo loo furay tan iyo markii uu bilowday cudurka safmareenka ah ee Covid-19, kaddib markii la khafiifiyay xayiradihii lagu xakamaynayay cudurkaasi.
Waxaa meesha laga saaray astaamihii lagu dhajiyay dhul dhaca hoose ee masjidka ee dadka ku cibaadaysanaya ka caawin jiray inay kala fogaadaan, haatanna waxaa dadka loo ogolyahay in sidii caadiga aheyd ay garbaha isku qabtaan.
Balse waxaa qasab ah in dhammaan dadka masjidka weyn ee barakaysan galaya ay tallaal buuxa qaateen ayna marnaba iska furin af xirka (Face-Maskaha).
Xafiiska Wararka Halqaran.com
Halqarannews@gmail.com
