Muqdisho (Halqaran.com) – Safaaradda Mareykanka ee magaalada Muqdisho ayaa ugu baaqday Madaxda sare ee dowladda Federaalka Soomaaliya iyo dowlad Goboleedyada inay si deg-deg ah uga wada hadlaan xalna ka gaaraan arrimaha muranka uu ka taagan yahay ee doorashooyinka.
War qoraal ah oo la soo dhigay Barta Twitter-ka Safaaradda Mareykanka ee Muqdisho ayaa waxaa lagu sheegay in waqtiga uu yahay mid socda, isla markaana loo baahan yahay in saamileysa siyaasadeed ee ka heshiiyaan doorashada.
“Waqtigu wuu socdaa, Waxaan ka codsaneynaa madaxda DF Soomaaliya iyo dowlad Goboleedyada inay hadda kulmaan, wax sax ahna u qabtaan dadka Soomaaliya, oo ay dhameystiraan doorashada‘‘ ayaa lagu yiri qoraalka Mareykanka.
Beesha Caalamka ayaa Madaxda Dowladda Soomaaliya iyo Dowlad goboleedyada cadaadis ku saareysa sidii xal looga gaari lahaa muranka doorashada loona qaban lahaa doorasho loo dhan yahay.
Xafiiska Wararka Halqaran.com
Halqarannews@gmail.com
