Muqdisho (Halqaran.com) – Madaxweynaha JF Soomaaliya, Xasan Sheekh Maxamuud ayaa gelinkii dambe ee maanta kulan la qaatay Taliye-yaasha Ciidanka Xoogga Dalka iyo Booliska, General Odawaa Yuusuf Raage iyo General Cabdi Xasan Maxamed (Xijaar).
Mudane Xasan Sheekh ayaa sheegay in labada taliye uu ka dhageystay warbixin guud oo la xiriirta amniga dalka iyo qorsheyaasha hortebinta leh ee xilligan kala guurka.
“Waxaan kulan la qaatay Taliye-yaasha Xoogga iyo Booliska Soomaaliyeed. Waxaan ka dhageystay warbixinta guud ee amniga dalka iyo qorsheyaasha hortebinta leh xilliga kala guurka.” Ayuu yiri Madaxweyne Xasan Sheekh Maxamuud.
Madaxweynaha JF Soomaaliya ayaa amniga ku tilmaamay muhiimadda 1aad ee dowladdiisa, isagoona yiri “Amniga waa muhiimmadda koowaad ee dowladda.”
Madaxweynaha cusub ee Dowladda Federaalka Soomaaliya Xasan Sheekh Maxamuud ayaa warkan ku sheegay bartiisa Facebook.
Xafiiska Wararka Halqaran.com
Halqarannews@gmail.com
