Addis Ababa (Halqaran.com) – Ra’siiul Wasaaraha dalka Itoobiya, Abiy Axmed ayaa madaxweyne Kumeel gaar ah u magacaabay Ismaamulka Tigreyga ee waqooyiga dalkaas.
Madaxweynaha cusub oo lagu magacaabo, Dr. Mulu Nega, ayaa soo dhisaya xukuumad kumeel gaar ah.
Baarlamanka Itoobiya ayaa dhawaan qaraar ku kala diray Ismaamulka Tigreyga, markii uu bilowday dagaalka u dhexeeya iyaga iyo xukuumadda ra’iisul wasaare Abiy Axmed.
Xildhibaannada ka tirsan Aqalka golaha wakiilada ee Itoobiya ayaa ansixiyay in xasaanadda lagala noqdo 39 saraakiil ah oo ka tirsan maamulka Tigreyga, kaddib codsi kasoo baxay xafiiska xeer ilaaliyaha guud.
Waxaana kamid ahaa madaxdan xasaanadda laga qaaday madaxweynaha Tigrey, Debretsion Gebremichael iyo saraakiisha kala ah, Abay Tsehaye, Amb Addisalem Balema, Getachew Reda, Atsebeha Aregawi, Gebregziabher Araya iyo mas’uuliyiin kale oo ka tirsan TPLF.
Xafiiska Wararka Halqaran.com
Halqarannews@gmail.com
