Washington (Halqaran.com) – Madaxweyne Donald Trump ayaa weerar afka ah ku qaaday xildhibaan Ilhaan Cumar oo ka mid ah xildhibaanada Congareeska Mareykanka ka dib markii ay dhawaan ku eedeysay in Madaxweynaha uu qeyb ka yahay siyaasadda Arrimaha dibada ee fashilan gaar ahaan xaaladdaha dalka Yemen.
Trump ayaa sheegay in Ilhaan Cumar iyo Joe Biden oo ah Musharaxa la tartamaya ay doonayaan in dad muhaajiriin ah ay soo galiyaan Mareykanka.
“in 700% la kordhiyo qaxootiga laga soo qaado meelaha ugu halista badan ee argagixisada meel kasta oo adduunka ah oo ay ku jiraan Syria, Somalia, waa siyaasadda Ilhaan Cumar iyo Biden” ayuu yiri Madaxweyne Donald Trump.
Xilli uu la hadlaayay taageerayashiisa Madaxweyne Trump wuxuu aad ugu soo celceliyay magaca Ilhaan ilaa ay ku buuqaan tageerayaashiisa.
”Ilhaan Cumar Waxay Jeceshahay Yemen Laakiin Ma Jecla Dalkeena ” ayuu mar kale yiri Trump.
Waxaa sii xoogeystay Khilaafka dhanka Siyaasada ah ee ka dhex taagnaa Madaxweyne Trump iyo Ilhaan Cumar dhowrkii sano ee la soo dhaafay.
Xafiiska Wararka Halqaran.com
Halqarannews@gmail.com
