Dhuusamareeb (Halqaran.com) – Madaxweynaha Maamulka Galmudug ee garabka dowladda ayaa gelinkii dambe talaadada maanta waxaa uu Magaalada Dhuusamareeb kula kulmay Saraakiisha Ciidamada Dowladda.
Axmed Cabdi Kaariye (Qoorqoor) ayaa kulan is barasho ah la qaatay Saraakiisha Ciidamada Dowladda ee ka hawlgala Magaalada Dhuusamareeb ee Xarunta Gobolka Galgaduud.
Madaxweynaha Galmudug ee garabka dowladda ayaa Saraakiisha Ciidamada uga mahadceliyay juhdiga xoogga badan leh, ee ay ku bixiyeen suggida amniga ee Magaalada Dhuusamareeb.
Maxamed Cabdi Kaariye ayaa Saraakiisha kula dardaarmay in laga wada shaqeeyo xaqiijinta nabadgelyada iyo amniga guud ee Deegaanada Galmudug.
Waa kulankii ugu horreeyay oo Qoorqoor uu la qaato Saraakiisha Ciidmada Dowladda, tan iyo markii maalintii Axada Magaalada Dhuusamareeb loogu doortay inuu noqdo Madaxweynaha xigga ee Galmudug.
Ugu dambeyn, kulankan ayaa ku soo aadaya, xilli uu maanta Madaxweynaha Maamulka Galmudug ee garabka Ahlu Sunna, uu si rasmi ah u sheegay inaanu aqoonsanayn Madaxtinimada Qoorqoor.
Xafiiska Wararka Halqaran.com
Halqarannews@gmail.com
