Muqdisho (Halqaran.com) – Xidhibaano ka tirsan Baarlamaanka Galmudug iyo qaar ka mid ah ganacstada degmada Guriceel ee gobolka Galgaduud ayaa waan waan lagu qaboojinayo xiisada Galmudug waxa ay ka dhex wadaan Ururka Ahlusunna ee dhawaan la wareegay degmada Guriceel iyo maamulka Galmudug ee fadhiisu yahay magaaladda Dhuusamareeb.
Wararka aya sheegaya Xubnaha la kulmay madaxweynaha Galmudug Axmed Cabdi Kaariye Qoor Qoor iyo Sheekh Axmed Shaakir ayaa u soo jeediyeen in ay joojiyaan abaabulka dagaal isla markaana xiisada u dhaxaysa ay ku xaliyaan wada hadal iyo is qancin si looga baaqsado dagaal dhiig ku daato oo ka dhaca Bartamaha Soomaaliya.
Wafdigan oo ah xildhibaanada Ahlusuna ka soo galay Baarlamaanka maamulka Galmudug ayaa weli ku sugan magaalada Guriceel.
Dhanka kale Maanta ayaa markale la filayaa in ay lakulmaan madaxda Ahlusuna iyo wafdiga ka socda maamulka Galmudug, ee shaley Tagay Magaalada Guriceel
Talaabadan ayaa kusoo beegmaysa xilli Galmudug ay u isku-diyaarineyso qabashada doorashooyinka xubnaha Aqalka Hoose ee ku metelaya baarlamaanka 11aad ee federaalka 4-ta sano ee soo aadan.
Xafiiska Wararka Halqaran.com
Halqarannews@gmail.com
