Washington (Halqaran.com) – Waxaa daqiiqadihii la soo dhaafay, musharrax Joe Biden ku hormaray codadka laga tiriyay gobolka Pennsylvania, wuxuuna boqolaal cod ku hoggaaminaya Donald Trump.
Pennsylvania waa gobol muhiim u ah loolanka madaxtinnimada Maraykanka ee ay ku tartamayaan musharraxiinta kala ah Biden iyo Trump.
Haddii uu Biden ku guulaysto Pennsylvania, waxaa uu ku guulaysan doonaa tartanka isagoo noqon doona madaxweynaha la doortay.
Gobolkaas ayaa leh 20 cod oo ah ergada doorashada, iyadoo inta la xaqiijiyay uu Biden heysto 253 codadkaas ah, uuna u baahan yahay 17 cod oo keliya.
Donald Trump ayaa isla Jimcaha maanta lumiyay codadkii uu ku hoggaaminayay gobolka kale ee muhiimka ah ee Georgia.
Ugu dambeyn, weli natiijada rasmiga ah ayaan la hubin xilliga ay soo bixi doonto.
Kala soco wixii warar ah ee ku saabsan doorashada ka socota Mareykanka Halqaran.com
Xafiiska Wararka Halqaran.com
Halqarannews@gmail.com
