Boosaaso(Halqaran.com)- Waxaa Faah faahino dheeraad ah laga helayaa is rasaaseyn xooggan oo Galabta Xeebta Magaalada Boosaaso ee Gobolla Bari ku dhexmartay Ciidamada Booliska Puntland iyo kuwa PSF ee Maamulkaasi.
Sida goob joogayaal ay sheegayaan Is rasaaseynta ayaa ka dambeeysay kadib markii Xeebta Magaalada Boosaaso ay tageen Ciidamo katirsan Booliska, halkaas oo Maalinta Jimcaha ah ay dadka u damaashaad tagaan, waxaana uu khilaaf dhexmaray Ciidamada PSF oo inta badan ilaaliya Xeebaha Gobolka Bari.
Warar ka ayaa waxa ay sheegayaan in Ugu yaraan laba ruux oo mid kamid ah uu ahaa shacab ayaa ku geeriyooday, israsaasayn ciidanka Booliiska Puntland iyo ciidamada PSF, halka ay ku dhaawacmeen lix kale, kuwaasi oo la geeyay Isbitaalada magaalada.
Saraakiisha maamusha Ciidamada Booliska Gobolka Bari ayaan weli ka hadlin dhacdadaan, iyada Galabta aad looga hadal haayo Magaalada Boosaaso iyo Guud ahaan Gobolka Bari.
Xafiiska Wararka Halqaran.com
Halqarannews@gmail.com
