Muqdisho (Halqaran.com) – Ciidanka illaalada deegaanka Xamar ayaa sameeyay hawlgal ay ku uruurinayeen xoolaha nool ee dhex fadhiya wadooyinka Magaalada Muqdisho, kadib markii amar uu ka soo saaray dhawaan Duqa Muqdisho.
Hawlgalkaan ayaa laga fuliyay nawaaxiga wadada Maka Al mukarama, halkaasi oo inta badan lagu arko xoolaha nool ee Magaalada dhex socda.
Ciidanka illaalada deegaanka ayaa xarunta Baadi-Qabadka oo dhawaan dib-udhis lagu sameeyay isugu geeyay xoolihii ay uruuriyeen.
Hawlgal ay fuliyeen ciidanka illaalada deegaanka dowladda hoose Xamar ayaa lagu soo qab qabtay ku dhawaad 40 Lo’, kuwaas oo dhaxsocday wadooyinka Magaalada Muqdisho.
Duqa Muqdisho ayaa horey amar uu u soo saaray ku faray dadka leh xoolaha inay Magaalada ka dhex qabsadaan, haddii kalena la uruurinaayo xoolahooda, kadibna ganaax lacageed laga qaadi doono dadkaasi.
Bilicda Muqdisho ayaa meelaha qaar waxaa caqabad ku ah xoolaha nool oo wadooyinka dhex fadhiya, kuwaasi oo saxaradooda ay dhex taalo wadooyinka, taasina qayb ay ka tahay bilic xumida Muqdisho.
Xafiiska Wararka Halqaran.com
Halqarannews@gmail.com
