Jowhar (Halqaran.com) – Cabdi Macalin Maxamed oo ah wasiirka Wasaaradda Caafmaadka Dowlad Gobaleedka Hirshabelle, oo shir jaraa’id ku qabtay magaalada Jowhar ee caasimadda maamulkaas ayaa ka hadlay xaaladihii ugu dambeey ee cudurka Covid-19 ee laga diiwaan geliyay deegaannada Hirshabeelle waxaa uuna sheegay in guud ahaan Hirshabeelle laga helay 6 ruux tan iyo markii cudurku uu soo gaaray dalka.
Wasiirka Caafimaadka ayaa Bulshada ku nool Hirshabeelle ugu baaqay in ay qaataan talooyinka wasaaradda Caafmaadka Dowlada Soomaaliya iyo tan Hirshabeelle si looga hortago faafida Cudurkan dunida dhibaatada ba’an ku haya ee Coronavirus.
Dhanka kale, Wasiirka caafimaadka Cabdi Macalin Maxamed ayaa sheegay inay diyaariyeen goobo dadka lagu karantiilo oo qofka isaga shakiya ama uu ku dhaco Covid-19 uu tagi karo si baaris loogu sameeyo.
Masuuliyiin ka tirsan dowlad goboleedka Hirshabelle ayaa kamid ahaa dadkii u dhintay Cudurka Coronavirus.
Xafiiska Wararka Halqaran.com
Halqarannews@gmail.com
