Kabul (Halqaran.com) – Labo haween ah oo garsoore ka ahaa maxkamadda sare ee Afghanistaan ayaa subixii Axadda maanta ah lagu toogtay magaalada Kabul, sida ay sheegeen saraakiisha waddankaasi.
Haweenkan ayaa waxaa beegsaday rag hubeysnaa xilli ay u socdeen shaqada oo ay saarnaayeen baabuur, sida uu wakaaladda wararka ee AFP u sheegay afhayeen u hadlay maxkamadda.
Labadan haween ayaa lagu toogtay deegaanka Qala- Al- Fathullah oo ka tirsan caasimadda Kabul.
Ilaa iyo hadda ma jirto cid sheegatay mas’uuliyadda weerarka lagu dilay haweenkaasi qorsoorayaasha ahaa.
Waxay tani ku soo aadeysaa xilli Afghanistan ay bilihii lasoo dhaafay ku soo kordheen weerarada lagu bartilmaameysanayo weriyeyaasha, dadka u ololeeyo xuquuqda aadanaha iyo siyaasiyiinta.
Xafiiska Wararka Halqaran.com
Halqarannews@gmail.com
