Garoowe(Halqaran.com) –Wafdi ka socday Guddiga Xallinta Khilaafaadka doorashooyinka ayaa Maanta gaaray Magaalada Garoowe ee Xarunta Gobolka Nugaal ahna Caasimadda Maamulka Puntland, iyada oo halkaas soo dhaweyn loogu sameeyay.
Wafdigaan oo uu hoggaaminayay Guddoomiyaha cusub ee Guddiga Khilaafaadka Maxamed Cawil Warsame ayaa waxaa Garoonka diyaaradaha Garoowe kusoo dhaweeyay mas’uuliyiin ka tirsan Guddiga doorashada Maamulka Puntland.
Sidoo kale Guddoomiye Maxamed Cawil Warsame iyo xubnaha la socda ayaa kulamo kala duwan la yeelan doona Guddiga doorashada Puntland iyo Madaxweyne Saciid Cabdullaahi Deni, iyagoona ka wada hadli doona dardar-gelinta howlaha doorashada.
Ugu dambeyn Guddiga Xallinta Khilaafaadka waxaa uu marwalba diyaar u yahay ka garnaqida iyo kor joogteynta Khilaafaadka Doorashada ee golaha shacabka.
Xafiiska Wararka Halqaran.com
Halqarannews@gmail.com
