Muqdisho (Halqaran.com) – Golaha Aqalka sare ee dalka ayaa Magacaabay Guddi Doorasho oo la socda Doorashada xubnaha Xildhibaanada ah ee Goballada waqooyi ka soo gelaya Dowladda Soomaaliya, kuwaas oo lagu dooranayo Magaalada Muqdisho.
War qoraal ka soo baxay guddoomiyaha Golaha Aqalka Sare, Mudane Cabdi Xaashi Cabdillaahi ayaa waxaa lagu Magacaabay Guddiga oo ka kooban 7 Xubnood.
Guddigan ayaa la socon doono sida ay u dhacayaan doorashada Xildhibaannada labada Aqal ku matalaya gobollada Waqooyi ee Somaliland.
Guddoomiye Cabdi Xaashi ayaa sidoo kale magacaabista guddigaan waxaa uu ogeysiiyay Madaxweynaha JF Soomaaliya Maxamed Cabdullaahi Farmaajo iyo Madaxda Dowlad goboleedyada iyo Xildhibaannada waqtiga xil-heyntooda uu gaba-gabada yahay ee labada Aqal ku matala Somaliland.
Halka hoose ka akhriso magacaabista guddiga:
Xafiiska Wararka Halqaran.com
Halqarannews@gmail.com
