Guddiga doorashada Koonfur Galbeed ee SEIT oo shaaciyay liiska 13 kursi

Baraawe (Halqaran.com) – Guddiga Hirgelinta Doorashooyinka Dadban heer Federaal ee SEIT Koofur Galbeed ayaa soo gudbiyay habraaca iyo jadwalka Doorashada 13 kursi oo deegaan Doorashadoodu tahay Magaalada Baraawe xarunta Dastuuriga ah ee KGS.

SEIT Koofur Galbeed ayaa 11ka & 12ka Febaraayo 2022 go’aamiyay Shaacinta Jadwalkaan & Guddiga soo xulaya Ergooyinka dooranaya 13ka kursi ee Golaha Shacabka ah sida Odoyaasha dhaqanka iyo Wakiilada Bulshada rayidka.

Warqad kasoo baxday guddiga ayaa waxaa lagu sheegay in doorashada qaybta koowaad ee kuraastan la qaban doono 16-ka bishaan, halka qaybta labaad la qabanayo isla maalinta xigta ee ay taariikhdu tahay 17-ka Febraayo ee sanadkan 2022-ka.