Gaalkacyo (Halqaran.com)- Magaalada Gaalkacyo ee Gobolka Mudug ayaa maanta waxaa lagu sagootiyey 3 Gaari oo ah nooca loo yaqaano Candhameydlaha,oo ku wajahan Magaalada Beledweyne oo haatan ka taagan xaalad adag.
Deeqdan oo noocyo kala duwan ah ayaa waxaa soo uruuriyay Shacabka Gobolka Mudug , waxaana sagootinteeda goob joog ka ahaa, Dhalinayaro, aqoonyahano, Culimaa’udiin, Saxafiyiin, Bulshada qeybaheeda kala duwan , maamulka Degmada Gaalkacyo, Guddoomiyaha Gobolka iyo ku Xigeenkiisa .
Sidoo kale waxaa gurmadka loogu jiro u gargaaridda Dadkii ku waxyeelloobay fatahaaddii ka dhacday Magaalada Beledweyne door weyn ka qaatay Shacabka ku dhaqan Gobollada Puntland iyo Galmudug.
Xafiiska Wararka Halqaran.com
Halqrannews@gmail.com
