Muqdisho (Halqaran.com) – Duqa Muqdisho, ahna guddoomiyaha Gobolka Banaadir, Cabdirixmaan Cumar Cusmaan Yarisow ayaa boggaadiyey Dowladda Hoose ee Muqdisho ee gacanta ku haysa dhismaha iyo dayactirka waddooyinka Caasimadda.
Mr. Yariisow ayaa sheegay in maamulkiisu uu xoogga saaray dhismaha iyo horumarinta kaabayaasha muhiimka u ah caasimadda, gaar ahaan dib u dhiska jidadka iyo xarumaha maamulka ee bixiya adeegyada dadweynaha.
Maamulka gobolka ayaa sanad iyo barkii u dambeeyay ku guuleystay dhismaha iyo dhameystirka sagaal waddo oo kala ah: Dabka illaa Bakaaraha, dhameystirka waddada 30-ka, waddada hotel SYL ilaa isgoyska Xamar-Jajab, waddada Dekedda ilaa Via Roma, waddooyinka Jazeera, Liido, Shingaani iyo janaraal Daauud.
Duqa magaalada Muqdisho, Yariisow ayaa xusay, in ay haatan gacanta ku hayaan dhismaha jid caddeyaal dhowr ah kuwaas oo laga hirgelinayo degmooyinka, Kaxda, Waaberi, Heliwaa, Dayniile, Wadajir, Dharkeenleey iyo Yaaqshiid.
Xafiiska Halqaran.com, Muqdisho
Halqarannews@gmail.com
