Muqdisho (Halqaran.com) – Guddoomiyaha Gobalka Banaadir ahna Duqa Muqdisho, Mudane Cumar Maxamuud Maxamed (Cumar Filish) iyo wasiirka shaqada iyo arrimaha Bulshada ayaa Talaadada maanta Muqdisho ku kala saxiixday mashruuc lagu caawinayo dadka danta yer ee ku nool Caasimadda.
Sadiiq Warfaa, wasiirka shaqada iyo arrimaha bulshada oo duqa Muqdisho ku soo dhaweeyay xafiiskiisa ayaa sheegay in Mashruucan la soo marsiiyay wasaaradda shaqada iyo arrimaha bulshada, uu maanta ku wareejiyay maamulka gobalka Banaadir si loogu taakuleeyo dadka aadka u nugul ee ku nool gobalka Banaadir.
Duqa magaalada Muqdisho, Mudane Cumar Maxamuud Maxamed (Cumar Filish) oo ka mahadceliyay soo dhaweenta wasiirka ayaa sheegay in mashruucan wasaaradda ku wareejisay ay ku wareejin doonaan dadkii loogu talagalay.
Mashruucaan maanta lagu wareejiyay Duqa Magaalada Muqdisho ayaa wuxuu yahay Mashruuca Baxnaano ee lagu caawinaayo dadka danta yar, gaar ahaan qaybta ku soo aaday dadka ku nool Gobolka Banaadir.
Xafiiska Wararka Halqaran.com
Halqarannews@gmail.com
