Muqdisho (Halqaran.com) – Wasiirka Wasaaradda Wasaaradda Awqaafta iyo Arrimaha Diinta Xukuumadda Soomaaliya, Sheekh Nuur Maxamed Xasan ayaa sheegay in la xirayo Dugsiyada lagu barto Qur’aanka Kariimka si looga hortago Fayraska Corona COVID 19.
Shir Jaraa’id oo uu warbaahinta ugu qabtey magaalada Muqdisho ayuu ku sheegay in Wasaaradda Awqaafta iyo arrimaha Diinta ay mas’uuliyad ka saarantahay qaadashada kaalinteeda ilaalinta badqabka iyo caafimaadka bulshada.
”Laga bilaabo maalinta berri oo ah Talaado 31.03.2020 waxaan si rasmi ah u xirnay Dugsiyada Barashada Qur’aanka iyo xarumaha Barashada Diinta muddo laba todobaad ah, maadaama caruurtu ay yihiin kuwa ugu nugul qaadidda Cudurka COVID-19”, ayuu yiri Wasiirka
Dowladda Federaalka ee Soomaaliya ayaa horey u xirtey goobaha Waxbarashada, sida Iskuullada iyo Jaamacadaha si looga hortago faafida Cudurka Coronavirus oo Saddex Kiis laga helay Soomaaliya.
Halka hoose ka dhageyso codka Wasiirka:
Xafiiska Wararka Halqaran.com
Halqarannews@gmail.com
