Gaalkacyo (Halqaran.com) – Koox hubeysan ayaa toogasho ku dishay mas’uul ka tirsan maamulka Puntland, xili uu ku sugnaa Waqooyiga Magalada Gaalkacyo ee dhinaca Puntland.
Mas’uulkan la dilay ayaa lagu magacaabi jiray Xassan Cabdille Hiraabe oo ka tirsanaa Wasaaradda Maaliyada ee gobolka Mudug.
Kooxihii dilka geystay ayaa la sheegay in ay goobta ka baxsadeen, waxaana halkaasi gaaray Ciidamo ka tirsan booliska maamulka Puntland.
Xuseen Cabdille ayaa horey u soo noqday masuul katirsanaa golihii deegaanka ee magaalada Gaalkacyo iyo ku xigeenka Duqa magaalada, waxaana hadda uu ahaa Taliyaha Kastamyada Canshuuraha ee wasaaradda Maaliyada Puntland ee gobolka Mudug.
Xafiiska Wararka Halqaran.com
Halqarannews@gmail.com
