Muqdisho (Halqaran.com) – Xoghayaha guud ee Ururka Suxufiyiinta Soomaaliyeed ee FESOJ, Ustaad Faarax Cumar Nuur oo wareysi gaar ah siiyey Telefishinka Universal ayaa ka horyimid amarka ka soo baxay dowladda ee lagu joojiyey wararka la xiriira Ururka Al-Shabaab.
Mr Faarax Cumar ayaa shaaca ka qaaday in go’aankan aysan ku shaqeyn karin warbaahinta madaxa bannaan, maadaama uu yahay mid hal dhinac ah, isaga oo sheegay in uu saameyn ku yeelanayo guud ahaan Wariyeyaasha Soomaaliyeed ee ka shaqeeya baahinta wararka.
“Dabcan saameyn waa ku yeelanayaa wuxuuna ugu yeelanayaa Wariyeyaasha maalin walba ayey howlgalaan, maalin walba ayey dadka war siiyaan marka waa ayadoo war ha bixina la yiraahdo ee guryihiina jooga,” ayuu yiri Ustaad Faarax Cumar Nuur.
Halka hoose ka daawo Wareysi Xoghayaha guud ururka Suxufiyiinta Soomaaliyeed ee FESOJ:
Xafiiska Wararka Halqaran.com
Halqarannews@gmail.com
