Colifornia (Halqaran.com) – Saynisyahanno ka tirsan shirkadda ku takhasustay Cilmiga bayoolajiga ee California ayaa helay daawo wax ku ool ah oo loogu tala galay ka hortagga Cudurka Coronavirus, sida ay tabisay Fox News.
Shirkadan ayaa waxa ay sheegtay in dawada loo yaqaan ‘STI-1499 antibody’ ay ka joojisay Coronavirus inuu galo 100% boqolkiiba unugyada bini’aadamka caafimaadka qaba, kadib tijaabooyin la sameeyay.
War-saxaafadeed kasoo baxay Shirkadda Sorrento waxaa lagu sheegay inay soo saari karto illaa 200,000 bil waliba, islamarkaana ay u baahan tahay oggolaansho.
Shirkadda waxay ka dalbatay oggolaansho deg-deg ah Maamulka Cuntada iyo Dawooyinka ee Mareykanka (FDA), laakiin weli ma aysan helin.
‘Waxaan dooneynaa inaan carrabka ku adkeyno in ay jirto daawo” maamulaha Sorrento, Dr Henry Ji, ayaa u sheegay Fox News.
Xafiiska Wararka Halqaran.com
Halqarannews@gmail.com
