Kismaayo (Halqaran.com) – War kasoo baxay maamulka Jubbaland ayaa looga dalbaday Madaxweyne Maxamed Cabdullaahi Farmaajo in uu raaligalin ka bixiyo weerarkii lagu qaaday hoteelka ay deganaayeen labo Madaxweyne oo hore.
Jubbaland ayaa sidoo kale dalbatay in la isugu yimaado shir ay ka soo qeyb galaan dhammaan saamileyda siyaasadeed in goobta uu shirkaas ka dhacayo ay noqoto meel amnigeeda lagu kalsoonaan karo, mas’uuliyadeedu lahaato Beesha Caalamka.
Warka ka soo baxay Jubbaland ayaa lagu xusay in loo baahan yahay in la helo damaanad qaad ku aadan fulinta natiijada shirkaas iyo in Madaxweynaha waqtigiisa dhammaaday ka dhex baxo oo uusan door ku yeelan hannaanka doorashooyinka, si loo helo kalsoonida saamileyda siyaasadeed ee dalka.
Haddaba halka hoose ka akhriso War-saxaafadeedka Jubbaland:
Xafiiska Wararka Halqaran.com
Halqarannews@gmail.com
