Muqdisho (Halqaran.com) – Dawlada Qatar ayaa dhawaan waxay ballan qaaday in Lacago ay ku taageereyso Maamul Gobolleedyada Soomaaliya si ay ugu hormariyaan ilkaaniyaatkooda Adeega Aas aasiga ah.
Dhaqaalaha lama sheegin Maamul walbo inta uu heli doono balse Xukuumada Dooxa ayaa sheegtay in Dawlada Dhexe loo soo marsiin doono Lacagta Maamul Gobolleedyadaasi.
Wasaarada Qorsheynta Soomaaliya ayaa loogu soo dhiibayaa Maamul kasta, balse Shuruud ayaa la hor dhigay Jubbaland, hadii ay ka soo bixi karto.
Waxaa Maamulka Jubbaland la hordhigay inay la heshiiyaan Dawlada Federaalka oo ay la yimaadaan Siyaasad Biseyl ah.
Wasaarada Qorsheynta Jubbaland weli kama aysan hadlin Arintaan xilli Bisha dambe Ee November Lacagtaasi loo qeybinayo Shanta Maamul Gobolleed Ee Dawlada Federaalka hoos yimaada.
Si kastaba, siyaasad ahaan Dawlada Dhexe iyo Dawlad Gobolleedka Jubbaland waayahaan waa ay xumeyd, lamana oga sida arintaan looga sariigan doono.
Xafiiska Wararka Halqaran.com
Halqarannews@gmail.com
