Kampala (Halqaran.com) – Wasiirka Beeraha iyo Waraabka XF Soomaaliya Mudane Axmed Madoobe Nuunow ayaa magaalada Kampala ee dalka Uganda uga qayb galay shirka sanadlaha ah ee ururka xakameynta Ayaxa iyo dulimada hayaama ee dalalka Bariga Afrika magaciisana lagu soo gaabiyo DLCO-EA.
Ururkaan ayaa waxaa la aas-aasay sanadkii 1962-dii, kaa soo sanadkiiba mar la qabto.
Shirkan oo ahaa mid heer wasiir ah oo ay ka soo qayb galeen dhammaan wasiirrada beeraha dalalka bariga Afrika ayaa waxaa shir guddoonka 2022 illaa 2023 la wareegay dowladda federaalka Soomaaliya, taasoo ugu dambeysay sida uu wasiirku sheegay in ay shir guddoomiyaan siddeetameeyadii.
Soomaaliya ayaa inta badan ka soo muuqanaysay dhammaan ururka ay xubnaha ka tahay ee heer gobol iyo heer caalami intaba.
Xafiiska Wararka Halqaran.com
Halqarannews@gmail.com
