Congo (Halqaran.com) – Muwaadiniin Soomaali ah ayaa lagu soo warramayaa in lagu dilay gaari weyn ay wateena lagu gubay Xadka ay wadaagaan dalalka Rwanda iyo Congo.
Gaariga ay saarnaayeen labada Muwaadin ee Soomaalida ee la gubay lana dilay ragii la socday ayaa wararku sheegayaan in uu ka safray dalka Kenya.
Dadka falkaasi geystay ayaa waxaa la sheegay inay ahaayeen Kooxo Burcad ah oo inta badan dhibaatooyin u geysta dadka iyo Gaadiidka ku safra waddada u dhaxeeysa Xadka ay wadaagaan dalalka Rwanda iyo Congo.
Weli kama aysan hadlin dowladaha Rwanda iyo Congo falkaan, waxaana horay u jirtay in wadadaas sidaan oo kale loogu dilay rag u dhashay qaar kamid ah wadamada Afrika oo halkaasi ku safrayay.
Xafiiska Wararka Halqaran.com
Halqarannews@gmail.com
