Muqdisho(Halqaran.com) –Ergayga gaarka ah ee Madaxweynaha Jamhuuriyadda Federaalka Soomaaliya u qaabilsan gurmadka abaaraha Cabdiraxmaan Cabdishakuur Warsame ayaa maanta daah furay Barnaamijka Gurmadka Degdega ah ee looga jawaabayo abaaraha dalka ka taagan.
Barnaamijka maanta uu daahfuray Ergayga gaarka ah ee Madaxweynaha u qaabilsan gurmadka abaaraha ayaa waxaa ay iska kaashadeen Hay’adaha Qaramada Midoobay ee IOM, WFP iyo UNICEF, iyada oo ay maalgelisay Dawlada Ingiriiska. Sida lagu yiri qoraal ka soo baxay Xafiiska Ergayka
Ergayga ayaa munaasabadii furitaanka u mahadceliyey Dawlada Ingiriiska, isagoo xusay in Dawladda Soomaaliya ay ka go’an tahay xiriirinta iyo fududeeynta gargaarka lagu taakulaynayo dadka ay abaaruhu wax yeeleeyeen.
Wuxuu kaloo ergeyga ka mahadceliyey jawaabta degdeg aha ee ay dawladaha deeqaha bixiya iyo kuwa Qaramada Midoobay ka baxiyeen qayladhaantii ergayga.
Cabdiraxmaan Cabdishakuur Warsame ayaa wada dadaalo kala duwan oo gurmad loogu sameeynayo dadka ay Abaaraha saameynta ku yeesheen, wuxuuna horey CC Shakuur Warsame ula kulmay Beesha Caalamka oo uu ka dalbaday inay dowladda SOomaaliya ka taageeraan sidii gargaar loo gaarsiinta dadka ay Abaarta saameeysay.
Xafiiska Wararka Halqaran.com
Halqarannews@gmail.com
