Hargeysa (Halqaran.com) – Madaxweynaha Somaliland, Mudane Muuse Biixi Cabdi ayaa Arbacadii maanta u hambalyeeyay madaxweynaha la doortay ee Soomaaliya Mudane Xasan Sheekh Maxamuud.
Muuse Biixi oo hadal ka jeediyay munaasabad lagu xusayay 31 sano guuradii ka soo wareegtay markii Somaliland sheegtay inay ka go’day Soomaaliya inteeda kale ayaa ugu baaqay Soomaaliya in ay ixtiraamto qaddiyada madax-bannaanida Somaliland.
“Madaxweynaha doorashadiisa nabadda ku dhacday iyo labada madaxweyne ee gacanta isu dhiibay aad iyo aad baan usoo dhaweyneynaa, inaguna in aan kala nabadgalno oo aan isu duceyno baan idin ka dooneynaa kii hore iyo kan dambaba” ayuu yiri Muuse Biixi.
Madaxweynaha Somaliland Muuse Biixi Cabdi ayaa dhowrkii sano ee la soo dhaafay waxa uu si weyn uga soo horjeeday dowladda uu hoggaamibayay Madaxweynaha xilka kasii degaya ee Mudane Maxamed Cabdullaahi Farmaajo.
Halka hoose ka dhageyso Codka Madaxweyne Muuse Biixi:
Xafiiska Wararka Halqaran.com
Halqarannews@gmail.com
