Muqdisho (Halqaran.com) – Ra’iisul Wasaaraha XF Soomaaliya, Mudane Maxamed Xuseen Rooble ayaa ka qeyb galay casho sharaf uu Madaxweynaha Galmudug Axmed Cabdi Kaariye u sameeyay Madaxda Golaha Wadatashiga Qaran iyo qaar ka mid ah Midowga Musharraxiinta.
Kulanka ayaa yimid kaddib markii la soo gabagabeeyay Shirkii Golaha Wadatashiga Qaran, kaasi oo laga soo saaray Jadwalka Doorashooyinka Dalka.
Madaxda ayaa iska xog wareystay xaaladda dalka, dardargelinta arrimaha doorashooyinka iyo sidii qof walba uu uga qeyb qaadan lahaa.
Madaxda dowlad Goboleedyada ayaa waxaa la filayaa in mid walba uu dib ugu laabto deegaannadiisa si uu u muujiyo diyaar garoowgiisa ku aadan arrimaha doorashooyinka.
Xafiiska Wararka Halqaran.com
Halqarannews@gmail.com
