Muqdisho (Halqaran.com) – Qaar kamid ah xubnaha Midowga Musharraxiinta ayaa ka hadlay xaalada siyaasadeed ee dalka xilligaan iyo Kulanka u furmay Xildhibaannada Golaha Shacabka, kaas oo la sheegay in Xildhibaannada ku doonayaan inay sameeyaan muddo kororsi.
Xubnaha Midowga Musharraxiinta oo Warbaahinta kula hadlay Muqdisho ayaa waxaa ay ku eedeeyeen Madaxweynaha muddo xileedkiisa uu dhammaaday ee Maxamed Cabdullaahi Farmaajo in dalka uu ku wado meel ana wanaagsaneyn iyo xasilooni darro.
Ra’iisul Wasaarihii hore ee Soomaaliya Xasan Cali Kheyre ayaa sheegay in Farmaajo uu doonayo mudda kororsi aan sharciga waafaqsanayn, kaas horseedi doona fowda iyo burbur ay adag tahay in dib looga soo kabto.
Madaxweynihii hore ee Soomaaliya Sheekh Shariif Sheekh Axmed ayaa sheegay in uu socd muddo kororsi aan shacri aheyn, waxaana uu nasiib darro ku tilmaamay in Ciidamada Qaranka ay ku kala qyeb samaan xaaladda Siyaasadeed ee dalka.
Ugu dambeyn, golaha midowga musharraxiinta Madaxweynaha ayaa waxaa ay soo dhaweeyeen Tallaabadii uu maanta Taliyihii Booliska Gobalka Banaadir Saadaq Cumar Xasan (Saadaq Joon) uu uga digay in dalka aan la galin xaalad Cusub oo siyaasadeed, walow markii dambe xilka laga qaaday taliyaha.
Xafiiska Wararka Halqaran.com
Halqarannews@gmail.com
