Jabuuti (Halqaran.com) – Madaxweynaha Jamhuuriyadda Jabuuti mudane Ismaaciil Cumar Geelle ayaa ku qaabilay xafiiskiisa wasiirka arrimaha dibadda ee Boqortooyada Sacuudi Carabiya mudane Feysal bin Farxaan bin Cabdullaahi oo booqasho ku tegay dalka Jabuuti.
Wasiirka arrimaha dibadda ee Sacuudiga iyo madaxweynaha Jabuuti ayaa kawada hadlay xiriirka labada dal iyo sidii kor loogu qaadi lahaa iskaashiga ka dhaxeeya labada dowladood ee walaalaha ah.
Sidoo kale, labada dhinac ayaa ka wada hadlay horumarka ka socda gobalka iyo arrimaha caalamiga ah ee saameynta ku leh labad dal, sida ay sheegtay wakaaladda wararka Sacuudiga.
Waxaa kulankaasi goob joog ahaa wasiirka arrimaha dibadda ee dalka Jabuuti mudane Maxamuud Cali Yuusuf iyo mas’uuliyiin kale oo ka socda labada dal.
Xafiiska Wararka Halqaran.com
Halqarannews@gmail.com
